Que a forza vos acompañe!! - 3º EP

Ola rapazada de 3º!

Non sei se o sabedes... pero hoxe é o día de Star Wars!! Unha das frases famosas das películas é “May the Force be with you” (Que a forza che acompañe), e os fans fixeron unha mestura de palabras que acabou en “May the 4th be with you” (Que o 4 de maio che acompañe). E... coa Banda Sonora Orixinal de Star Wars comezamos!

👂 PON A ORELLA

1. Copiade nun papel esta táboa.  (Póñovos un exemplo coa Banda Sonora de Shreck)

 

2. Escoitade os seguintes enlaces, cos dous primeiros minutos chega.

• Darth Vader: https://www.youtube.com/watch?v=YMvcCfs8mf8

• Festa dos Ewoks (fixádevos que aparece a frauta doce no segundo 0:40!) https://www.youtube.com/watch?v=D8X-FT84iqY 
• A banda da cantina: https://www.youtube.com/watch?v=YE7gE27lG4s 
• Luke e Leia: https://www.youtube.com/watch?v=GaI7AS76S_s
• Tema principal https://www.youtube.com/watch?v=nXnW8QEeGDo

3. Completade a táboa.

🎼A CREAR!

Despois de pensar e reflexionar no que nos fai sentir cada peza, escoitade de novo e escollede unha para acompañala. 

Mais... Como a acompañamos?

Colledes o voso instrumento (ou un lapis ou con palmas ao comezo) e probades a acompañar con ritmos mestres soa a música. Usade ritmos negras, brancas e corcheas, que sexa moi simple, e intentádeo anotar. Con facer un anaquiño chega.

🎹A TOCAR!

Seguide pouco a pouco coas actividades que vos propuxen na entrada “3º e 4º de Primaria do luns 20 de abril”.

Para enviarme os traballos e vídeos, facédeo cun correo que poña en asunto “Nome Apelidos e Curso” a olallaperez@cpiares.com antes do luns que vén. Calquera dúbida que teñades, escribídeme e respondereivos o antes posible.

Moita saúde e... QUE A FORZA VOS ACOMPAÑE!!