“A danza é a
linguaxe oculta da alma”. - Martha Graham, bailarina e coreógrafa
dos Estados Unidos.
A expresión
corporal e a música existen dende que o ser humano existe. Quen non
se puxo a bailar ou moverse un pouco cunha música pegadiza? Pois aló
polo 1982, un grupo de expertos decidiron celebrar o día da Danza o
29 de abril, data na que naceu o bailarín e coreógrafo Jean-Georges
Noverre.
E vos preguntaredes:
por que quixeron celebrar iso? Pois para fomentar a participación e
atención do público sobre a arte e a cultura, para coñecer unha
das nosas manifestacións artísticas.
Mais, o día da
Danza celebra soamente o ballet: celebra calquera tipo de de
expresión corporal acompañada dalgún tipo de ritmo acústico.
Cal vai ser o reto
desta semana? Poñer en valor o noso baile por excelencia, ese baile
tan propio da nosa cultura galega: a MUIÑEIRA.
RETO ARTÍSTICO
Recordades
o ben que bailamos o día do Magosto? Ese baile foi a Muiñeira de
Outeiro. Podédeslle botar un ollo de novo e lembrar que ben o
pasaramos bailando e comendo castañas :) O baile está a partires do
minuto 3:15.
O
reto é: gravarse bailando un anaco a muiñeira. Para facelo, poñedes
a música que vos enlazo a continuación e... a bailar!! Pode ser cos
puntos (pasos) que aprenderamos, ou podedes deixar voar a vosa
imaxinación e corpo! Tedes ata o XOVES 30 para enviarme os vosos vídeos! Animádevos!
Exemplo de
puntos:
- abrir, pechar,
abrir, pechar.
- adiante, atrás,
punta-talón, xuntos.
- Adiante, atrás,
patada-patada, xuntos.
- Abrir, pechar,
palmada-palmada (unha por arriba e outra por debaixo da perna)
xuntos.
ACTIVIDADES
DE AMPLIACIÓN
Fragmentos de
ballets famosos:
Mirade
os seguintes fragmentos. Cal vos gusta máis? Por que? Parécevos
fácil ou difícil bailar estas pezas? Se queredes, podedes facer un
debuxo do fragmento que máis vos gustara e enviarmo :)
Danza dos
pequenos cisnes, do ballet do “Lago dos cisnes”, do compositor
Tchaikovsky:
https://www.youtube.com/watch?v=jSTia7AmWDI
https://www.youtube.com/watch?v=jSTia7AmWDI
Películas
para ver en familia:
-
Ballerina (bailarina): tamén
en Prime Vídeo e en Movistar.
- Fantasía,
de Disney: en Disney+. Os
fragmentos relacionados coa danza son o sexto, “Danza das horas”,
no que bailan hipopótamos, avestruces e crocodilos, e o segundo, relacionado coa obra do “Quebranoces”.
Ningún comentario:
Publicar un comentario