A tranquilidade - 1º e 2º de EP

😍VEMOS E SENTIMOS

Despois de traballar o AMOR, esta semana imos seguir con outra emoción. Mirade a seguinte imaxe, un cadro do pintor Leonardo da Vinci titulado La dama del armiño:

 

•  Que vemos? Descríbeo coas túas palabras.
• Que é o que máis te chama a atención?
• Que sensación che da?

Posibles respostas poderían ser:

• Vemos unha muller nova, cun vestido de estilo medieval (coma a das feiras medievais) que sostén un animal. Ese animal chámase "armiño", e é un dos carnívoros máis pequenos do mundo.
• Chámame a atención a súa posición relaxada e tranquila, e a facilidade coa que colle á súa mascota.
•  Tranquilidade.

Despois de contestar a estas preguntas, a sensación que imos traballar é a TRANQUILIDADE.


🔉POÑEMOS A ORELLA

Agora, escoitamos e vemos atentamente este vídeo (fixádevos en que instrumentos aparecen):

https://www.youtube.com/watch?v=tYT9ZbDug-g

Sóavos? É unha obra que escoitamos na clase e tiña algo que ver cos animais... Si! Acertastes! É O acuario, do músico e compositor  francés Camille Saint-Saëns. Este compositor escribiu "O carnaval dos animais" e nesa obra intenta imitar sons de diferentes animais. O señor Saint-Saëns era este:

 

🎵REPASAMOS E REFLEXIONAMOS

Agora quero que escoitedes de novo a obra, pero seguindo o musicograma de J.H. Freixinós como fixemos na clase. Atentos e a disfrutar!

Recoñecedes algunha figura musical? Fixádevos, ao comezo está algo escondida a clave de sol, e as liñas azuis do acuario nos recordan ao pentagrama... Mais este non é un pentagrama, porque ten 6 liñas! Cantas liñas ten o pentagrama? Moi ben!! 5 liñas! E cantos espazos? 4!!

👌 RETO ARTÍSTICO

Xa escoitastes un par de veces a obra e seguimos o musicograma. O reto desta semana é:

Atrevédesvos a facer o voso musicograma?

Como o podedes facer?

• Cun folio en sucio, ides debuxando segundo vaia soando a música. Podedes facer cada nota un puntiño.
• Comezade poñendo a clave de sol e debuxando un pentagrama como si foran ondas do mar.
• Hai partes que se repiten, para no volver a debuxalas, poñede os dous puntiños(como os meus que son vermellos).
• Podedes usar outros debuxos, non só peixes: caracolas, estrelas de mar, medusas...
• Fixádevos que hai notas máis agudas e máis graves, intendade debuxalas segundo vaian subindo ou baixando.

O meu musicograma quedou así:

 😲 A CANTARES!

Déixovos a letra que inventei para a primeira parte da canción para que tamén practiquedes o cantar un pouquiño.

Son un peixe no mar,

e me gusta nadar.

Vou nadando e cantando

no fondo do mar.

Recordade que me podedes enviar os vosos traballos (instrumentos de refugallo, pentagrama e clave de sol, teclado...) ao correo que vos puxen nos pdf da web do colexio.