Xa me estades enviando bastantes traballos que fixestes e, douvos a noraboa, sodes uns miniartistas!
Para esta semana vos propoño varias actividades.Seguimos coas emocións e repasamos a linguaxe musical. Recordade que non as tedes que facer todas de súpeto, podedes ir facéndoas aos poucos. Recórdovos o meu email para que me enviedes todo aquelo que queirades.
😍VEMOS E SENTIMOS
A todos nós nos pasa de enfadarnos ás veces, non si? Para esta semana déixovos unha imaxe e unha peza musical dunha obra chamada Romeo y Julieta, do compositor ruso Sergei Prokofiev (si! o mesmo que o de Pedro y el lobo!). (Imaxe do Proyecto emocionario da auladeelena.com).
- Que personaxes aparecen na imaxe?
- Que acontece? Como mira a personaxe da esquerda ao da dereita?
- Que transmite a cara de cada personaxe?
- Como pensas que reacionará a personaxe da esquerda? Por que?
- Algunha vez te sentiches así? Como reaccionaches?
E agora... a música! Damas e cabaleiros... A Danza dos cabaleiros de Prokofiev. Escoitádea primeiro sen mirar, e contestade:
- Que sensación vos da? Como vos sentides escoitando esta obra?
- Recoñecedes algún instrumento? Cal ou cales?
👌 RETO ARTÍSTICO
Facede un debuxo sobre a obra intentado transmitir no debuxo o que sentides ao escoitala.
🔔A TOCAR! Un pouco de ritmo
Envíovos un vídeo no que vos explico como ler ritmos. Isto o faciamos na aula, mais era eu a que facía o ritmo e vos repetiades. No vídeo eu fago de "alumna" e o ordenador de mestre :)
Podedes usar tanto as sílabas rítmicas, como os instrumentos que creastes ao longo destas semanas.
Déixovos tamén a foto dos ritmos. Igualmente, podedes inventar os vosos propios ritmos e tocalos. E se vos animades, enviádeme as vosas creacións!!
😲E A CANTARES!
Déixovos outro vídeo no que traballamos as notas SOL e MI. Si! Esas que xa traballamos hai unhas semanas.
Igual ca co ritmo, podedes facer as vosas creacións: no voso pentagrama colocades as notas SOL e MI segundo vós queirades e ou cantades ou e se tedes algún instrumento na casa con esas dúas notas, pois a tocar!
Moitas apertas a todas e todos, e que a música vos acompañe!!
Ningún comentario:
Publicar un comentario